Masayang Simula: Wika; Kayarian ng Pangungusap

I. Kayarian ng Pangungusap

1.Payak - Ito ay pangungusap na nagpapahayag ng isang diwa o kaisipan.
Halimbawa:
Bilog ang buwan kagabi
Ang sahig ay makintab

2. Tambalan - Ito ay pangungusap na may dalawa o higit pa sa dalawang diwa ang ipinapahayag. Ito ay binubuo ng dalawang payak na pangungusap na may kanya-kanyang simuno at panaguri.
Halimbawa:
Si Sharon ay dumalaw sa istasyon ng radyo samantalang si Sally ay pumunta naman sa senado.
Si Janine ay mahiyain samantalang si Jeline ay masayahin.

3. Hugnayan - Ito ay pangugusap na binubuo ng sugnay na makapag-iisa at ng isa o higit pang sugnay na di-makapag-iisa.
Halimbawa:
Si Steve ay napaiyak dahil sa sobrang kaligayahan.
Humabol pa rin siya sa pag pupulong kahit huli na.

4. Langkapan - Ito ay pangungusap na may dalawa o higit pang malayang sugnay at isa o higit pang di-malyang sugnay.
Halimbawa:
Si Janine ay napayuko at si jeline ay napaiyak nang sabihin ng ina na may dinaramdam siya.
Ang kaginhawahan ay makakamit at ang kapayapaan ay mananaig kung ang lahat ay magtulungan at magkakaisa.